2016 jylǵy 6 mamyr, Astana qalasy
«Oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 24 shildedegi № 344 buıryǵyna ózgerister men tolyqtyrýlar engizý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-baby 27) tarmaqshasyna sáıkes buıyramyn:
1. «Oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 24 shildedegi № 344 buıryǵyna (Normatıvtik quqyqtyq aktilerdi memlekettik tirkeý tiziliminde № 7876 bolyp tirkelgen, «Egemen Qazaqstan» gazetiniń 2012 jylǵy 19 qyrkúıektegi № 609-614 (27687) sanynda jarııalanǵan) mynadaı ózgerister men tolyqtyrýlar engizilsin:
osy buıryqpen bekitilgen Oqýlyqtardy, oqý-ádistemelik keshenderi men oqý-ádistemelik quraldaryn ázirleý, olarǵa saraptama, synaq ótkizý jáne monıtorıng júrgizý, olardy basyp shyǵarý jónindegi jumysty uıymdastyrý qaǵıdalarynda:
2-tarmaqta:
16) tarmaqsha mynadaı redaksııada jazylsyn:
«16) oqý-ádistemelik qural (budan ári – OÁQ) – oqytý pánin, onyń taraýyn, bóligin oqytý jáne meńgerý nemese tárbıeniń ádistemeleri boıynsha materıaldardy qamtıtyn oqý basylymynyń túri;»;
mynadaı mazmundaǵy 23) tarmaqshamen tolyqtyrylsyn:
«23) biryńǵaı bazalyq oqýlyq – bastaýysh, negizgi orta jáne jalpy bilim berý baǵdarlamalaryn iske asyratyn uıymdarda mindetti túrde paıdalanylatyn oqýlyq.»;
4-tarmaq mynadaı redaksııada jazylsyn:
«4. Oqýlyqtardy, oqý-ádistemelik keshender men oqý-ádistemelik quraldardy daıyndaý QR MJBS-ǵa, úlgilik oqý josparlaryna, oqý páni (pánderi) boıynsha úlgilik oqý baǵdarlamalaryna, psıhologııalyq-pedagogıkalyq jáne dıdaktıkalyq talaptarǵa sáıkes júzege asyrylady.»;
8-tarmaq mynadaı redaksııada jazylsyn:
«8. «Oqýlyq» ortalyǵy oqýlyqtarǵa, oqý-ádistemelik keshender men oqý-ádistemelik quraldarǵa ǵylymı jáne pedagogıkalyq saraptamany júrgizedi.»;
10 jáne 11-tarmaqtar mynadaı redaksııada jazylsyn:
«10. Oqýlyqtarǵa, oqý-ádistemelik keshender men oqý-ádistemelik quraldarǵa, sonyń ishinde elektrondyq jetkizgishterdegi ǵylymı jáne pedagogıkalyq saraptama jasaý mektepke deıingi tárbıe men oqytý, bastaýysh, negizgi orta, jalpy orta bilim berý deńgeılerine ǵalymdardy, joǵary jáne birinshi sanatty muǵalimderdi jumyldyra otyryp jasalady, tehnıkalyq jáne kásiptik, ortadan keıingi bilim berý mamandyqtary boıynsha ǵalymdar men tehnıkalyq jáne kásiptik, ortadan keıingi bilim berý uıymdarynyń oqytýshylary, óndiris, kásiporyn jáne basqa da uıym ókilderi tartyla otyryp júrgiziledi.
Joǵary, joǵary oqý ornynan keıingi bilim berýdiń mamandyqtaryna arnalǵan oqýlyqtarǵa, oqý-ádistemelik keshender men oqý-ádistemelik quraldarǵa saraptama ǵalymdardy, joǵary oqý oryndarynyń oqytýshylaryn, óndiris, kásiporyn jáne basqa da uıym ókilderin jumyldyra otyryp jasalady.»;
11-tarmaq mynadaı redaksııada jazylsyn:
«11. Ýákiletti organ oqýlyqtardy, oqý-ádistemelik keshender men oqý-ádistemelik quraldardy saraptamaǵa qabyldaýdy mektepke deıingi tárbıe men oqytý, bastaýysh, negizgi orta, jalpy orta bilim berý deńgeıleri úshin aǵymdaǵy jylǵy qańtar men mamyr aralyǵyndaǵy kezeńde, tehnıkalyq jáne kásiptik, ortadan keıingi, joǵary jáne joǵary oqý ornynan keıingi bilim berý deńgeıleri úshin aǵymdaǵy jylǵy qańtar men qazan aralyǵyndaǵy kezeńde uıymdastyrady.»;
12-tarmaqta:
4-tarmaqsha mynadaı redaksııada jazylsyn:
«4) tehnıkalyq jáne kásiptik, ortadan keıingi, joǵary jáne joǵary oqý ornynan keıingi oqýlyqtar, oqý-ádistemelik keshender men oqý-ádistemelik quraldar úshin pán boıynsha oqý baǵdarlamasy;»;
7-tarmaqsha mynadaı redaksııada jazylsyn:
7) tehnıkalyq jáne kásiptik, ortadan keıingi bilimniń oqý basylymdary úshin – tehnıkalyq jáne kásiptik, ortadan keıingi bilim berý uıymdarynyń respýblıkalyq oqý-ádistemelik birlestik sheshiminen úzindi, joǵary jáne joǵary oqý ornynan keıingi bilimniń oqýlyqtar, oqý-ádistemelik keshender men oqý-ádistemelik quraldary úshin – mamandyqtardyń toptary boıynsha oqý-ádistemelik birlestiktiń sheshiminen úzindi;
mynadaı mazmundaǵy 9) tarmaqshamen tolyqtyrylsyn:
«9) tólemdi rastaıtyn qujat (saraptamany aqyly negizde ótkizgen jaǵdaıda)»;
13-tarmaq mynadaı mazmundaǵy 13-1) tarmaqshamen tolyqtyrylsyn:
«13-1. Ýákiletti organ Qazaqstan Respýblıkasynyń 2013 jylǵy 15 sáýirdegi «Memlekettik kórsetiletin qyzmetter týraly» Zańynyń 19 jáne 19-1-baptaryna sáıkes saraptamany ótkizý úshin materıaldardy qabyldaýdan bas tartady.»;
16-tarmaqtyń 1) tarmaqshasy mynadaı redaksııada jazylsyn:
«1) bastaýysh, negizgi orta jáne jalpy orta bilim deńgeıine arnalǵan oqýlyqtarǵa, oqý-ádistemelik keshender men oqý-ádistemelik quraldarǵa, sonyń ishinde elektrondyq jetkizgishterde:
oń saraptamalyq sheshim alǵan jaǵdaıda – «bilim berý uıymdarynda paıdalanýǵa usynylady», al synaqqa joldanatyn oqýlyqtarǵa, oqý-ádistemelik keshender men oqý-ádistemelik quraldarǵa – «bilim berý uıymdarynda synaqtan ótkizýge usynylady»;
saraptamalyq sheshimde joıýdy qajet etetin eskertýler bolǵan jaǵdaıda – «óńdeýdi qajet etedi», sonyń ishinde synaqqa jiberiletin oqý ádebıetteri úshin;
teris saraptamalyq sheshim alǵan jaǵdaıda – «bilim berý uıymdarynda paıdalanýǵa usynylmaıdy», sonymen birge synaqqa jiberiletin oqý ádebıetterine – «bilim berý uıymdarynda synaqtan ótkizýge usynylmaıdy.»;
20-tarmaq mynadaı redaksııada jazylsyn:
«20. Oqýlyqtar, oqý-ádistemelik keshender men oqý-ádistemelik quraldar bastaýysh bilim berýdiń jańartylǵan bilim mazmuny boıynsha synaqtan ótedi.»;
mynadaı mazmundaǵy 20-1, 20-2, 20-3-tarmaqtarmen tolyqtyrylsyn:
«20-1. Oqýlyqtarǵa, oqý-ádistemelik keshender men oqý-ádistemelik quraldarǵa synaq ótkizý respýblıkalyq jáne jergilikti bıýdjet qarajaty jáne ázirleýshiniń qarajaty esebinen júrgiziledi.
20-2. Mınıstrlik oqýlyqtarǵa, oqý-ádistemelik keshender men oqý-ádistemelik quraldarǵa synaq ótkizetin eksperımenttik bilim berý uıymdarynyń tizimin jáne oqýlyqtar men OÁK tizbesin qalyptastyrady.
20-3. Mınıstrlik synaq ótkizýdiń merzimin belgileıdi jáne synaqty ótkizýge jaýapty uıymdy anyqtaıdy.»;
21-tarmaq mynadaı redaksııada jazylsyn:
«21. Oqýlyqtarǵa, oqý-ádistemelik keshender men oqý-ádistemelik quraldarǵa synaq nátıjelerin synaqty ótkizýge jaýapty uıymdar «Oqýlyq» ortalyǵyna tapsyrady.»;
24 jáne 25-tarmaqtar mynadaı redaksııada jazylsyn:
«24. Oblystardyń, Astana jáne Almaty qalalarynyń bilim basqarmalary ýákiletti organǵa kelesi oqý jylyna Oqýlyqtardyń, oqý-ádistemelik keshenderiniń, quraldarynyń jáne basqa da qosymsha ádebıetterdiń, onyń ishinde elektrondyq jetkizgishtegileriniń tizbesine (budan ári - Tizbe) sáıkes tenderdiń nátıjeleri boıynsha oqýlyqtar, oqý-ádistemelik keshender men oqý-ádistemelik quraldardy jetkizý jóninde memlekettik satyp alý týraly aqparatty jyl saıyn jıyrma besinshi mamyrǵa deıin, al onynshy tamyzdan keshiktirmeı bastaýysh, negizgi orta jáne jalpy orta bilim berý deńgeıleriniń oqýlyqtary, oqý-ádistemelik keshendermen jáne oqý-ádistemelik quraldarmen qamtamasyz etilýi týraly aqparatty usynady.
25. Mınıstrlik oqýlyqtar monıtorınginiń nátıjeleri boıynsha bilim berý uıymdary tarapynan suranyssyz qalǵan oqýlyqtardy, oqý-ádistemelik keshender men oqý-ádistemelik quraldardy Tizbeden alyp tastaý týraly sheshim qabyldaıdy.»;
26-tarmaqta:
birinshi bóligi mynadaı redaksııada jazylsyn:
«26. Mınıstrlik oqýlyqtardy, oqý-ádistemelik keshender men oqý-ádistemelik quraldardy saraptama jáne synaq júrgizý nátıjelerin qarastyrý jónindegi Respýblıkalyq komıssııany (budan ári – Respýblıkalyq komıssııa) qurady.
jetinshi bóligi mynadaı redaksııada jazylsyn:
«Pándik komıssııalar:
1) mektepke deıingi oqytý jáne tárbıe, bastaýysh, negizgi orta jáne jalpy orta bilim deńgeılerine arnalǵan oqýlyqtardy, oqý-ádistemelik keshender men oqý-ádistemelik quraldardy, olardyń saraptama, synaq nátıjelerin qarastyrady;
2) bastaýysh, negizgi orta jáne jalpy orta bilim deńgeılerine arnalǵan oqýlyqtardy qoǵamdyq baǵalaý qorytyndylaryn qarastyrady.»;
27-tarmaq mynadaı mazmundaǵy 2-1) tarmaqshamen tolyqtyrylsyn:
«2-1) saraptama nátıjelerin jáne pándik komıssııalardyń usynystaryn esepke ala otyryp, «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-baby 27) tarmaqshasyna sáıkes oqýlyqtardy, oqý-ádistemelik keshender men oqý-ádistemelik quraldardy, biryńǵaı bazalyq oqýlyqtardy irikteıdi;»;
28 jáne 29-tarmaqtar mynadaı redaksııada jazylsyn:
«28. Respýblıkalyq komıssııanyń otyrysy qajettiligine qaraı ótkiziledi.
Otyrys Respýblıkalyq komıssııa músheleriniń jartysynan kóp bóligi qatysqanda zańdy bolyp tabylady.
Oń saraptamalyq qorytyndy alǵan jáne biryńǵaı bazalyq oqýlyq retinde anyqtalmaǵan oqýlyqtar Tizbege qosymsha paıdalanylatyn oqýlyqtar retinde engiziledi.
Respýblıkalyq komıssııanyń sheshimi qaıta qarastyrylmaıdy.
Qazaqstan Respýblıkasynyń zańnamasyna sáıkes sheshimge shaǵym jasaýǵa bolady.
29. Tizbege bir oqý páni boıynsha besten artyq emes balama oqýlyqtar, oqý-ádistemelik keshender men oqý-ádistemelik quraldar engiziledi.
Mınıstrlik bekitken Tizbe www.edu.gov.kz ınternet-resýrsyna ornalastyrylady.»;
32-tarmaq mynadaı redaksııada jazylsyn:
«32. Ýákiletti organnyń «Bilim berý uıymdarynda paıdalanýǵa ruqsat etiledi» degen grıfi mektepke deıingi, bastaýysh, negizgi orta, jalpy orta bilim berý deńgeıleriniń oqý ádebıetteri úshin kelesi tórt oqý jyly ishinde, arnaıy bilim berý uıymdary úshin kelesi alty oqý jyly ishinde qoldanysta bolady, tehnıkalyq jáne kásiptik, ortadan keıingi, joǵary jáne joǵary oqý ornynan keıingi bilim berý deńgeıleriniń oqý ádebıetteri úshin shektelmeıdi.».
2. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.N. Nıýsýpov) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin osy buıryqtyń kóshirmesin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp joldaýdy;
3) tirkelgen osy buıryqty alǵan kúnnen bastap bes jumys kúni ishinde Qazaqstan Respýblıkasy Bilim jáne ǵylym mınıstrligi mórimen rastalǵan jáne osy buıryqqa qol qoıýǵa ýákiletti adamnyń elektrondyq sıflyq qoltańbasymen kýálandyrylǵan baspa jáne elektrondyq túrdegi kóshirmelerin Qazaqstan Respýblıkasy normatıvtik quqyqtyq aktileriniń Etalondyq baqylaý bankine engizý úshin joldaýdy;
4) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin;
5) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde osy tarmaqtyń 1), 2), 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Bilim jáne ǵylym mınıstrliginiń Zań departamentine usynýdy qamtamasyz etsin.
3. Oblystardyń, Astana jáne Almaty qalalarynyń Bilim basqarmalary osy buıryqty bilim berý uıymdarynyń nazaryna jetkizsin.
4. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıtetiniń tóraǵasy S.N. Nıýsýpovke júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bilim jáne ǵylym Mınıstri E.SAǴADIEV
Buıryq Qazaqstan Respýblıkasynyń Ádilet mınıstrliginde 2016 jylǵy 3 maýsymda Normatıvtik quqyqtyq kesimderdi memlekettik tirkeýdiń tizilimine №13765 bolyp engizildi.